開始寫今年台灣五天之旅的遊記喇, 繼上年台北之行後,
估唔到今年我倆再踏足台灣,原本打算係去星加坡OR馬來西亞既,
但最終決定了向墾丁和高雄出發!! 原來比起前兩個地方更加之期待呢~
怎知出發前他身體出了一些小毛病, 還以為會不成行了......
幸好最終可以如期出發呢~
好啦!! 今個旅程有幾熱辣辣??!! 去片~~~
*2010年6月14日*
今次同行的還有小白熊, 佢第一次踏飛機架咋~~HAPPY!! XDXD
一小時的機程, 食過飛機餐後, 眨吓眼就到達高雄喇~~
好興奮呀~~抵達高雄國際航空站!! 超猛烈的陽光, 很好的天氣呢!! LUCKY~~
我們BOOK了好客來計程車載我們去墾丁呢, 跟兩個同是香港來的女仔一架車,
稱為共乘, 這可慳番少少錢. 這張在車內拍的, 藍天白雲, 真係好正啊~~~
司機很友善和有點幽默呢, 他不停跟我們談天, 還介紹一下旅遊景點.
兩個小時的車程, 由高雄抵達墾丁的民宿呢~墾丁的民宿真的多的是, 我們選了近大灣的民宿, 亦都很近墾丁大街的.
到達民宿唞唞後, 換好裝束準備去享受陽光與海灘喇, 先去民宿對出的大灣走走,
但這邊沒有人游水喎~
大灣的水也很藍呢~ 正正是海天一色啊!!!
我們轉移去南灣海灘嬉水, 這邊真的多人好多喇~ 還有很多台灣正妹呢~
我也獻出我的第一次----著三點式比堅尼呢, 不過是絕密照!!!哈哈XDXD
小白熊@南灣, 佢都黎曬吓日光浴呢~
我倆玩至日落, 便回民宿梳洗. 由於墾丁的公車很疏, 我哋諗住距離民宿好似唔咪好遠, 就途步行番去, 點知行到天黑了都未到, 開始有啲驚, 沿途很荒蕪, 好在側邊還有車路, 都有很多車輛行過, 如果唔咪仲驚!! 我越行越急, 腳也給拖鞋刮損了!! 好可憐, 嗚嗚~~~>__<~~~~最終行到番去了, 我倆大概行了有一個小時嗎?!!!
好唔容易回到民宿, 梳洗完後, 我地就去墾丁大街掃小食喇~
嘩~~好熱鬧好多人呢~晚上好多攤檔擺晒出黎.
第一樣試的就係大大隻烤魷魚呢, 唔~~~~好香呀~~~
少少辣辣地, 但非常之惹味呀~~~~讚!!!!!!!!!!!
沿途見到有幾個人都拎住個大椰子, 就好想試埋一份啦! 又可以清吓熱.
點知......中招!!! 唔凍又唔甜, 仲要超重!!!! 飲完仲要搵唔到垃圾筒掉左佢, 難為他要拎到手到痺埋呢 :P :P (唔明點解台灣街上係勁少垃圾筒, 但地上又冇乜垃圾的@@)
除了吃, 還有玩的攤位. 射氣球~
打青蛙, 打到個青蛙在水上的盤子便中獎咯~
之後繼續食食食!!!另一推介小食-烤粟米
外面超香脆啊~~~~有幾種口味, 我們選了的好像是香蒜味~oi i shi~~~~
之後仲買左炸花枝, 都好味~ 跟住我地買一品滷味番民宿開餐~
大街上還有很多舖頭, 賣各式各樣貨品, 有飾品, 沙灘服裝拖鞋等, 還有食物手信.
第一天悠閒地渡過, 享受了墾丁的陽光與海灘, 真係人生一大樂事, 好happy啊~~~~
沒有留言:
張貼留言