珍寶蠔

尋日去尖咀行街, 公仔又興起話要食生蠔, 於是走去citysuper即買即開即食喇~

揀左呢隻美國珍寶蠔, $38隻, 真係幾大隻, 38蚊算幾抵食架. 總共買左三隻.

邊隻最靚呢? 我揀左最靚嗰隻, 即係左下個嗰隻囉, keke!!

呢款偏向salty, 冇腥味, 又好鮮甜, 一個字, 正!!

呢隻佢既, 好肥美呢~

食完好滿足, 呢輪真係食蠔食上癮。。。

愛用底霜推介

自從睇左Beauty Exchange之後, 已經喜愛化妝呢個玩意, 經常睇sisters們推介, 就被吸引到越買越多, 大家的評語好多都係可信架喎, 買番去, 真係覺得好用。

呢個真係想推介俾大家，因為真係覺得正呀～　就係ＰＡＵＬ＆ＪＯＥ既ＢＡＳＥ喇，上年買過一支，就愛上了，本身塊面油油地既我，都唔覺立次次。一年後，已經用完一支喇，一心要再入番貨。

撞啱有限量妝品推出，呢個袋仔特別靚架～

 

就係右邊呢支ＦＯＵＮＤＡＴＩＯＮ　ＰＲＩＭＥＲ喇，今年經過改良，

出多隻透明色，ＴＯＴＡＬ　３隻色選擇，我都係用番最白的０１號色。

我仲厚面皮地問ＢＡ拎ＳＡＭＰＬＥ，佢俾左包濕粉我試試。。。

樽身都幾靚架，有花花圖案。連個盒我都唔捨得掉架～哈哈！

 

黎試用一下，ＢＡ話改良版比之前更保濕和清爽。左半邊冇搽野，

右邊搽左呢隻ＢＡＳＥ，睇到分別嗎？搽左ＢＡＳＥ嗰邊係明亮啲同有光

澤，因為呢隻ＢＡＳＥ係有珠光粉，可增加立體感，睇上去都滑溜一啲架。

另一樣愛用之處係佢有微微既花香味，很怡神既呢～

遮霞方面中等，沒有變暗跡象。搽完ＢＡＳＥ後加上我的御用ＣＯＶＥＲＭＡＲＫ

粉餅，簡直係絕配啊～連之前替人做練妝ＭＯＤＥＬ，化妝師也力讚我的

底妝化得好好，好貼薄呢～

正價＄２７０，用恒生咭有９折～

聲明：這純粹個人意見，絕無任何賣廣告或商業成份。

再"游"半月灣

星期日, 我倆又去海灘玩, 因為瞓晏左, 差唔多成四點先入到西貢, 天色又突然變暗, 公仔就發晦氣話唔坐船入去半月灣喇。。。但係喺老遠黎到西貢又有咩好做喎？！最後咪又上左船囉！=.=

在船上, 太近鏡, 樣衰左少少, 都係遮遮佢好啲 :P 睇下~新耳環靚嗎? 跟我件背心仔一樣係青色架~ 今次搭船有幾陣大浪, 驚!

 

 

平安到埗, 個灘都好多人喎~~今次冇喺運動塲換定衫, 要去灘上的更衣室, 幾唔願意的, 蠻污糟架嘛。

 

公仔已經替我今次帶出黎既細b女莎莉影左相喇, 又幾靚喎~

莎莉@水泡上

 

今次啲水比上次清左喎, 豈馬冇垃圾先啦~ 半月灣都算水清沙幼既~

 

一落水就見到有人打真既排球, 咁都得?! 比佢”san”中仲得了既, 我地梗係即刻游遠啲啦。後來仲唔止一班人打排球, 救生員此時先開咪宣布叫人唔好玩任何球類活動咋! 有班仲話左次都唔聽, 要人再勸多次先肯收手, 真係吖!!

 

我地一路”目及”住呢班唔守規矩既人, 浮吓浮吓浮到好出都唔知, 對腳離晒地, 嚇鬼死我地呢!

 

玩到差唔多6點走人lu～ 洗完白白出番去旺角吔飯。

戴左我頂帽, 又幾型喎~哈哈~

 

莎莉@譚魚頭

呢個炎夏應該仲會俾公仔捉我去沙灘玩多幾次呢～

Loreal開倉~買呀!

真係火爆! 尋晚一次過喺度”作左成篇文”出黎,點知想copy定先save, 點鬼知佢一次過同我clear晒, 真係!

點解yahoo blog無得右click複製咁神奇架, 萬一打完一大輪save唔到啲野咪好大鑊?! 依家醒喇, 喺word度打完paste上黎啦!

 

今次慳番啖口水, 去相先!

上面就係我去loreal group開倉既戰利品喇, 比預期買得少, 想買既都一早俾人掃晒, 例如ysl既眼影. 嗰日真係好墟冚, 啲女仔排住隊去買, 勁! 女人錢果真易賺~

我買左兩盒YSL babydoll 迷你香水, 40蚊一盒咋, 抵! YSL唇彩一支, 得番一隻色, 照殺! 60支咋~ 點可以唔買…胭脂其實無諗住買, 但眼影又無晒, 難得入到黎買咁少野好唔抵架喎, 咪買埋囉, 150蚊盒. 仲有一支garnier洗面, 10蚊支, 啲人”lui”住搶, 我又唔執輸, 但之後又諗自己未必會用…

臨尾唔少得揀番樣野俾喺外面等我既公仔啦, 就係polo香水一支, 要100蚊架~ total埋單400元正.

盒胭脂金色盒真係好靚好grand呀~~

 

4色胭脂, 還印有ysl全寫字樣, 唔捨得整花佢喎…

話過暫時唔再買化粧品, 結果….

草帽LOOK

第一次在ＹＢＬＯＧ　ＰＯＳＴ自己個樣上黎呢（除左細細粒的ＰＲＯＦＩＬＥ　ＰＩＣ外），其實都鼓起左幾大勇氣喺度ＰＯＳＴ相架，皆因喺呢度係隨時隨地撞到識既人，以前喺ＦＣ２　ＢＬＯＧ就話無乜人知，ＰＯＳＴ下無乜所謂，又有得教相片的大小，呢度又冇喎，鬼死咁大張，第一次整張濛濛地，沙龍咁既ＦＥＥＬ見吓人先啦，哈哈～

入正題，呢個分類我會間中獻醜地ＰＯＳＴ自己的穿衣之道，飾物以至化妝等，希望遇到知音人交流吓心得～

呢日係去動漫節的裝束，草帽今年大熱，本本架妹時裝雜誌實會見到佢既蹤影。最愛緊貼日本潮流的我拿拿聲買番頂帶吓先呢～這隻淺色的會較易襯吧！

藍色吊帶牛仔連身短褲，是上年在日本涉谷１０９（２）買的，估唔到今年仲興興地，繼續著～套番件薄薄地白色衫搞掂～

手上帶左條淺藍色波點束頭髮的東東，我喜歡用佢黎帶喺手而唔咪紮頭髮。。。

著對白色金邊ＡＤＤＩ波鞋，出得門～

分享完畢，多謝收看，唔好掟蕉（笑～）

暢"游"半月灣

7月25日的星期六, 一早起身, 跟公仔郊遊去, 今次目的地係西貢.

主要活動係去半月灣沙灘玩下水, 曬吓日光浴~

我們先去西貢的松記車仔麵醫肚, 啲餸又幾好味喎, 不過麵就麻麻地.

 

跟住搭船出發去海灘喇.

同行的還有大B女美奈子, 第一次帶去出街架咋, 好開心呢?!

烈日當空, 搽防曬唔少得架!

 

咦?! 呢條鯨魚好搞鬼喎.

 

呢日真係好好天。人又好多。

 

美奈子都想落水?!

我地租左個水泡玩, 唔識游水既我, 喺水度浮浮吓, 好好玩呢~

第一次跟公仔去海灘, 好開心, 下次再去過吧~