2010年4月28日 星期三

Max Factor 水嫩凝肌粉底液, 為完美妝容打好基礎

要有一個完美的妝容, 底霜和粉底的選擇是很重要的一環.


那就是要針對自己的膚質而選擇合適的粉底.


 


先來說說我的膚質, T字位偏油, 兩邊面頰毛孔較粗大明顯.


而我一向都以PAUL & JOEbase打底, 然後用Covermark的保濕粉餅定妝,


覺得這個配合是最清爽貼面的, 所以一直以來都不敢用粉底液,


總覺得粉底液塗上面後較厚和容易出油, 繼而很快溶妝.


 


今次有機會試用Max Factor全新的水嫩凝肌粉底液Second Skin Foundation,


令我對粉底液有點改觀了.


 


我試用的是最淺的040號色. 泵裝瓶身設計方便易用.





 


粉底液不傑身





 


很易用手推開





 


我先上了一層薄薄的base, 還見隠約見面上的毛孔和鼻上惱人的黑頭 >.<  



 


再用Max Factor 這支粉底液, 用手推開塗上.


由於我用的base都較白, 塗上粉底液後顯得更白, 我想用深一個色號也可以.


上面後的效果, 用後清爽不笠, 很透薄, 不過遮瑕方面相對少一點,


面上毛孔還見到些少 (本身就是毛孔太大了嘛, ….)


但鼻上的毛孔和黑頭都完全遮蓋了. 本身早上不搽太滋潤的面霜,


所以某些位如眼下, 塗粉底液後會顯得較乾,


所以事前做好一些保濕程序會更好.


最後撲上下碎粉會更加細滑, 但下圖是未上碎粉前的.



用了一整天, 都只是較易出油的鼻子開始浮粉了, 但其餘的都keep得很好,


沒變暗沉, 如大多數在室內的話, 持久度是蠻不錯的.


以大眾化價錢, 148元一支, 確是一個不錯的選擇, 本身皮膚問題不大的話,


已經可以容易靠它來打造完美妝容呢~


感謝 BL x Max Factor 給我是次試用機會^^


2010年4月2日 星期五

驚喜的生日2010@東部華僑城 DAY 1

今年生日, 我倆第一次結伴到深圳兩日遊, 地點係大梅沙的東部華僑城.


他之前唔聲唔聲已經安排好一切喇~ 究竟會有咩suprise呢?


3月30號早上, 乘直通車來到大梅沙, 唔知佢book左咩酒店, 心諗大陸的酒店


會好"up"耷的, 點知......第一個驚喜就係去到酒店門口.


我 : 嘩~~就係住呢間喇?!


入到酒店大堂都好靚架.



去到酒店房, 又係第二個驚喜.又再嘩多次 xD  好大間呀!! 咁靚既~ (很大鄉里嗎?! 哈!)



仲有露台添架~ 好正啊!!



由酒店望出去右邊的景色, 一面無際的海~



之後我們由酒店步行去東部華僑城,路程唔算遠, 大約十至十五分鐘左右吧.



去到正門買飛入去玩喇~影吓呢舊大石先.



必影景點之一, 大俠谷瀑布.



我地先黎到海菲德小鎮, 呢度的環境幾靚的, 一間間啡色的屋仔, 好別緻.


而呢度都有好幾間食店餐廳, 我地去左必胜客醫吓肚先.



食完嘢之後, 我地就行去搭吊車, 去到雲海高地的登峰造級, 呢度超大風和好涼呢.



登峰造級咪就係呢個半空中的U型位囉, 個地下係透明架, 不過都幾濛吓,


我唔咪好驚喎, 幾叻! 但有人就好驚, 嚷著要番出去, 哈哈!! 啲大陸同胞仲成堆人


走晒入黎係度跳, 滴汗 =.="



 


之後就坐小火車遊覽周圍景色, 沿途有廣播介紹, 呢一排屋仔都係酒店黎架, 好靚.



估吓呢度係咩黎? 又係酒店?! 唔咪, 係聽完都O晒咀的員工宿舍,


有哂露台種哂花, 真係正~



搭火車後來到茶溪谷呢邊喇,  不久就見到向日葵園, 好多太陽花, 好大朵,


好靚, 正當我企上去一個類似相框的地方想影相之際, 就仆親喇!! 痛 >.<


腳撞瘀了......



跟住黎到呢個四季花田, 唔顏六色的花, 很耀眼奪目呢~影左唔少相.



搭火車回程時仲見到原來花田一幅接一幅的, 好燦爛啊~~~



呢邊都係欣賞景色為主, 黎到呢個花鐘教堂留影. 呢邊仲有一個四季植物館的,


有雀仔, 大南瓜, 花花草草睇吓......



到黃昏, 我地搭番火車,纜車出番正門, 回酒店唞唞, 呢間就係我地住既酒店外貌喇~



之後佢帶我去食晚飯, 第三個驚喜, 食咩呢?


行左一輪大運 ( :P) , 原來係去附近一間食乳鴿的食肆<五谷芳>,


他說好多人話好食喎~去到地方好企理乾淨, 餐具都以密封式膠紙包好哂架.


我地點左四樣嘢, 一人一隻乳鴿, 杏仁花支丸, 鐵板茄子同粉絲煲.


最好味的係乳鴿和茄子, yummy~~



 


食飽返酒店休息喇, 沖完涼後都12點, 即是搭入我生日喇 :D


正當我吹緊頭之際, 佢話有人按門鐘, 但我唔敢開喎, 於是佢走去開啦~


原來第四個驚喜係佢安排左酒店送生日蛋糕黎呢!!! 好開心啊~~~



首先收到的禮物係呢兩樣, 哈哈哈~~~



第一天已經好愉快呢~估唔到臨睡前仲有第五個驚喜, 就係收左喺枕頭下的小禮物喇,


嘻嘻, thanks~~


第二天的正日生日, 仲會有咩驚喜呢^^ 期待~~