商場聖誕裝飾特集PART 2

又來ＰＡＲＴ２喇，今年海港城入面既聖誕裝飾失色左少少喎，　

但就有好多一隻隻ＭＩＦＦＹ都幾可愛既～

樓下有個ｍｉｆｆｙ慈善籌款，但唔咪人人入到去影野架喎。

之後出去海運大廈，年年都好多人影既景點，今年的裝飾的幾靚，

以紫粉紅色為主，但嗰晚落雨，冇行出去影。

小仙子ｋａｗａｉｉ呢～

好多人爭住埋去影～

呢張影得幾好，幾滿意～ ^^

至於新元朗中心的sony貓裝飾，有機會後補吧。



今年平安夜過得好開心，吃了大餐和收到豐富禮物呢～待續。。。

第一件羽絨

依家最鐘意睇既日本雜誌係PINKY, 啲MODELS靚之外,

衣著既STYLE都好啱心水.  剛剛一期見到索MODEL示範

著上UNIQLO的最新限定羽絨, 覺得幾型同易襯喎~

從來冇諗過買羽絨, 嫌佢擁腫, 但今次UNIQLO既款式一啲

都唔"亞咋", 著左都唔會變米芝蓮既車呔人.

我揀左呢款, 呢隻紫好靚, 鮮得黎唔誇張~

星期一穿上, 早上12度的氣温, 都覺得幾暖.

以呢個價錢買到輕巧得黎又暖又唔娘的羽絨, 真係幾抵~

商場聖誕裝飾特集PART 1

每年香港不同大大小小既商場都會喺聖誕節花心機去佈置,

而每年仲有唔同既主題, 經過的話都會影吓相留個記念既~



較早前去了朗豪坊, 今次以日本插畫家筆下的作品WACHIFIELD 為題材,

好多動物造型既擺設, 好得意~

左下: 呢個角度既全景好靚, 上部份係識氹氹轉架~

右下: 是一樂隊來嗎?

右下: 指揮家貓貓, 摸下佢個肚dum 先~

左下: 大鱷都識拉小提琴?! 右邊呢隻係咩黎架呢?

左下: 仲有綿羊添~

右下: 白兔吹喇叭, CUTE~

入面仲有作者既作品展覽......貓貓仲識焗麵包?!

另一地點係九龍灣德福商場, 以熊ｂｅａｒ　ｂｅａｒ為主題.

會轉的摩天輪

不過個人覺得呢隻BEAR BEAR熊唔咪咁得意同靚喎.....

跳番PART舞.

呢間屋都幾靚既~由於自己一個人經過, 自己冇得影埋一份添...

仲有去左新元朗中心, 意外地見到他喜愛的SONY貓聖誕場景呢~

還有最多人去影的海港城啦~ 相片未到手, PART 2 待續吧~

蚊の部屋聖誕版2009

終於考完試喇，一連出了四晚街，一樣係咁夜瞓同咁攰 。。。

想到就快聖誕好開心呢～正想為我個ＢＬＯＧ裝飾一下，增添聖誕氣氛。

但係非常之奇怪，現在睇緊呢個ＢＬＯＧ既你，有冇看到如下圖的背景出現？

定係得粉紅色的底色呢？我選了個ＦＬＡＳＨ的ｂａｃｋｇｒｏｕｎｄ，

會落雪，好靚架～但係唔知點解十次有九次進來都ＳＨＯＷ唔到出黎，

激死人！唔知問題出喺邊度？！

仲有好多野想加來美化一下我個ＢＬＯＧ呢。。。

有冇咩容易明既ＹＡＨＯＯ　ＢＬＯＧ教學好介紹呢？



預告：影左幾度地方既聖誕裝飾，好靚，睇黎要整個聖誕特集，哈哈～

　　　仲有最近也幾ＬＵＣＫＹ的，待續。。。。。。

如果我不用上學......

又快要考試了, 還要忍耐個多星期的日子。

讀書返學確實要花多點時間, 更何況白天還要上班去......

最近同時聽到兩個人對我說, 一個是同事一個是阿sir,

“讀書應該是在出來社會工作之前讀完的......”

我倒是有點認同的, 可是現實社會卻令我明白將勤補拙,

汰弱留強的道理。

這陣子忽發奇想, 如果我不用上學,

我可以怎樣怎樣??

我可以好好保養因長年敖夜而日漸衰老的容顏,

我可以繼續學我喜愛的日文,

我可以去學化妝, 學人做美容blogger,

我可以有多點時間玩blythe, 還會學車公仔衫,

我可以一年去多幾次外地旅行,

我可以整多點不同的料理,

我可以看漫畫, 畫漫畫,

我可以經常update blog......

大概下年春季, 這些日子會到來的, 滿心期待!

Ｎ年後的深圳某村

上星期日因事回到Ｎ年沒踏足過的深圳某條村，估不到已經面目全非，

轉眼十年以上，周圍起滿高樓和商店，人來人往，好不熱鬧。

但環境還是有點沙塵滾滾和落後。

看！街邊的攤檔，賣的是鹵味。

你敢不敢吃？右邊一窩浸住的不知是何物？！

完全沒遮沒掩的，也沒有保温，不會壞掉嗎？！

村裡的娛樂。

但也不乏一些名物商店，這裡有個工藝城，賣的都是這些玉石擺設。

這個會不停轉動的，很美～

附近的高尚住宒，截然不同。晚上到這裡的酒家吃飯，

菜餚出乎以外的美味呢。

格仔人

好多時都想出蚊の服妝間的ＰＯＳＴ的，但每次都係怱怱忙忙，

冇時間影張相。

天氣開始轉涼，新衫可以出場喇。

尋日過海行街，揀左呢件新買的格仔連身衫，左襯右襯，

最後都係咁著順眼啲，加件毛毛背心，長絲襪，　

同短鬚鬚ＢＯＯＴ。格仔衫今年依然大熱，

其實本想將件格仔衫當外套著，中間襯件簡單ＴＥＥ，

再著條短牛仔褲，睇日本妹咁著係好睇架，不過可能我

呢件格仔衫較鬆身，件ＴＥＥ又唔太ＭＡＴＣＨ，

所以唔咪咁好睇，結果都係咁著，簡簡單單。

好鐘意呢件格仔衫顏色既配搭～

 

冇夾定既情況，他又同樣著左件一齊買既格仔衫出黎，

哈哈～半情侶裝的一天。　

喺ＳＯＧＯ撞見舊同事，佢形容我地兩個係格仔人。

（以下為設計對白^^）

 

SOGO半年一度Thankful week, 逛左幾粒鐘, 我既收穫只得

一個Che Che 手袋, 好抵!! 有時間在蚊の心頭好介紹一下吧~

鬆弛熊狂熱

忙裡偷閒, 一連發兩篇蚊の心頭好.

最近又迷上呢隻卡通公仔Rilakkuma 鬆弛熊,

好可愛. 早前他知道某間樂園抛彩虹的禮物好多都係

鬆弛熊精品, 就帶我去玩. 結果有最底一格的收穫,

puzzle, notebooks, 浴帽同公仔一隻.

右上角既係他買俾我的2010年月曆, 和在阿嫂家的飾櫃發現的

公仔, 她本身不知這隻是什麼, 便送了給我 ^^

左上角是今期OK便利店的儲FUN活動的推廣精品,

買了2010年schedule book, file同朱古力棒.

 

知道呢次ok儲fun活動係鬆弛熊, 真係好興奮, 儲滿100分印花就

可以換公仔or水杯, 抽中其中jumbo印花, 就可以得到右上角隻大

公仔. 連印花袋包裝都好鬼死cute, 都唔捨得掉呢 :p (左下圖示)

依家我儲到30分, 幾時先儲到100分?!

女人街的寶物

昨日行經旺角女人街, 見到所買的東西種類都是琳琳種種,

香港人已經可能見怪不怪, 途中我見到一個西人女士, 她見到掛得高高的

"三角嘜" 在笑, 駐足歡看, 非常好奇. 哈哈~~的確款式好像越來越新穎,

有立體大象和鴨鴨, 有趣有趣!

 

當我行經賣飾物的店子, 就被些閃閃的飾物盒吸引,

拿起一個看看, 手工都很精細, 皇冠設計的, 也是蚊の心頭好,

可謂一見鐘情, 跟他說 : 我好喜歡這些東西. (記得幾年前,

他在赤柱買了也一個閃石飾物盒給我呢~)

 

店主女仕不放過做任何生意的機會, 猛遊說我們買下, 原價說$128,

還說外國遊客總會一次買下幾個回去做手信, 這些都是韓國來貨的.

 

我們本沒打算買, 掉頭就走了, 明知女人街都做遊客生意的,

可是店主不斷向著正在走的我們開價, 一減再減, 說到$80來,

沒想到他帶我折返, 說買一個吧~ 我挑了最愛的粉紅色,

磁石設計, 揭開和合起來都方便, 不過其實內裡不能放太多東西,

但只是用來當擺設, 已經很賞心悅目呢~

女人街其實不一定只適合遊客逛的, 你也可能偶然間在這裡尋找到寶物啊~

Blythe@海港城

近來又好忙喇,有 mid-term test, 接踵而來的assignments, 跟住眨吓眼

就到考試架喇。所以都冇咩時間寫ｂｌｏｇ呢。。。

今次要寫番上星期日去了海港城看Bｌｙｔｈｅ　８週年展覽，

我係ｂ女 ｆａｎｓ黎架，我相信唔少愛靚的女仔都會鐘意玩ｂｌｙｔｈｅ

的，我都係因為見到唔同的ｂ女有唔同造型同衣著打扮都好靚，

跟住就喜歡上她們呢～當然自己也有收藏呢。。。

 

展覽場地吊掛著幾大幅唔同囡囡的ｐｏｓｔｅｒｓ，好靚啊～

 

嘩～呢隻一黎就要影左先啦，靚到吖～頭上有隻細ｂ，好ｃｕｔｅ～

 

呢隻都唔錯，好高貴呀～其實每隻都由唔同代表商ｏｒ人士設計的，

真係各有ｓｔｙｌｅ同獨一無二架。

 

呢隻都好ｋａｗａｉｉ，ｉ　ｌｉｋｅ粉紅色。

 

要同一眾靚ｂ女合照先～真係我都唔夠佢地靚啊（笑！）

 

呢隻好斯文，其實我都有啲想擁有一隻粉紅色長髮ｂ女架。。。

 

呢隻係ｃｗｃ限量版ｂ女黎架，我都幾鐘意呢隻。（隻隻都話鐘意：ｐ）

其實場內都有好多隻ｂ女，不過喺度淨係ｓｈｏｗ啲我覺得靚既

出黎咋！

 

呢隻個髮型ｓｅｔ得好靚呀，條裙又靚。

 

活力版ｂｌｙｔｈｅ～

 

是次有攝影比賽投票，參賽者的作品都好有水準，影到好似人像寫真咁～

 

應該下年９週年還有得來香港展覽啩？要繼續支持支持！！