好時沙爹

上星期五晚約左ＡＳＴＥＲ食晚飯，她選了去尖沙咀的好時沙爹食，開飯喇好像好評如潮，試吓無妨。我們預先ＢＯＯＫ左位，７點去到已經好多人喇喎～

點左半打串燒，個汁一啲都唔辣，啱晒唔食辣既我。不過串燒來到已經唔熱。

排骨茶，伴油炸鬼，幾搞鬼喎又～又係暖既。。。

我怕食食吓會辣，點定杯椰汁，點解底下有層黑色野既呢？原來係椰糖是也！

還有兩塊薄餅，我地自己點啲串燒沙爹汁食。

呢個我鐘意食，蝦羔雜菜沙律，幾好味，辣都照食。雜菜中有通菜，菠蘿，青瓜等。

席間有個伯伯拎左本相薄俾隔離班Ｏ靚仔睇，原來係啲黎幫襯過既明星同店主影既相。有好多人喎，森美小儀，劉心悠，五月天，最搞笑係伯伯話ＹＯＹＯ同蔡淇俊兩個係一齊黎既，但佢地要求分開影，哈哈～仲唔咪有啲景滾。

呢餐都有啲新意，不過唔知係咪又飲椰汁又飲肉骨茶，之後有點搞肚痛。

所以再幫襯，都係要諗諗。