一支好好好滿意的眼線液

今次要介紹既係呢支Kiss me限定版眼線液,

Kiss me 的產品中, 相信mascara是好多sisters的愛用品呢, 我都係其中之一個.

除左mascara, kiss me的眼線液都係我既愛用品之一啊~

我鐘意用眼線液遠多過眼線筆, 眼線筆真係一陣就已經甩到冇眼睇!!!

 

以往用過KISS ME支呢紅色版本的眼線液，已經覺得很持久耐用呢.

 

最近發現有呢支限定版, 筆身藍色的, 包裝盒亦都好華麗, 搞到我都唔捨得掉左個盒呢~ kiss me的招牌漫畫公仔, 真係好靚!!!

 

玫瑰花係kiss me既記號啊~~

 

毛筆型筆頭, 很柔軟易畫.

 

開始試吓比大家睇睇, 畫番朵玫瑰花迎合吓先, 係咪有啲似紋身?!! 哈哈~~~

起初以為限定版不同既地方係帶閃的, 原來唔咪喎.

試畫之下, 我覺得分別之處係速乾, 畫完唔駛幾秒, 已經乾透, 搵手捽都捽唔甩!!

仲有啲色係更加之實,  所以好夠黑.

 

黎試吓防水度, 開大水喉係咁沖!!!!! 估吓甩唔甩呢??!!!

 

結果係..........成朵花都完好無缺呀!!!!!! 

 

再搵紙巾印乾佢, 真係一啲色都冇甩過架!!!

 

再黎第二個測試, 防油度! 倒啲眼唇卸妝油係面.

 

再搵水沖沖沖!!!!!!  結果一樣~~~ 冇.甩.過!!!! 真係十個勁!!!!!!!

 

咁大家就可能已經有疑問: " 咁咪好難卸囉?? "

答案係唔咪啊~~~

我再用眼唇卸妝一抹, 只需10多秒, 已經甩晒喇~~~

 

乾淨哂~~ 紅左少少唔咪敏感, 只係用手捽得大力左少少~

 

再黎一張畫上眼既試範相啦~ 請漠視個眼妝溶晒, 因為我化左成晚, 番到屋企先影既~

條眼線係番到去先畫, 所以求其左少少~

 

好啦~黎個kiss me限定版眼線液的小小總結:

防水度:

防油度:

易卸度:

持久度:

 (補充一下呢點, 我係試過化左一整天, 回到家都係冇乜點甩過色架!!)

 

冇錯呀!!呢支眼線液我真係好好好滿意啊~~~ 大家有冇比我燒到呢???

註: 以上純粹分享, 絕無賣廣告之嫌!!

 

最後介紹一吓我正在用的眼唇卸妝吧!  就係sofina的aube.

呢支係上年去台北大敗sofina護膚品時送的.

屬水油兩層, 估不到又幾好用喎! 連較難卸的睫毛液都好快卸得乾淨,

比我之前用開的fasio好用. 不過價錢應該貴一點吧, 唔知香港賣緊幾錢一支呢?!!

用完的話我或會買一支回來呢~