2010年1月29日 星期五

* 讓ZA為你凝住青春肌齡 *

之前成日睇啲beauty bloggers既blogs, 好多關於免費試用產品既文章,


有啲好奇點解咁好有呢啲活動同點先可以參加。


依家終於知道原來其中一途徑係經過beauty 網站既~


今次好幸運, 第一次中左試用, 第一次寫試用文,


學吓大家既口吻先, 首先多謝BLZA俾我是次試用既機會。


 


是次ZA送出全新系列 Future Defense時光活顏潔面柔膚套裝.


延緩初期老化, 凝住青春肌”, 見到呢句已經深深被吸引啦~


一套4件產品, 左起為細支裝乳液和柔膚水, 中間大支的為潔面泡沫,


右邊一盒為柔膚霜. 先說包裝, 兩支細支裝打開蓋便可直接將乳液和柔膚水倒出,


沒有任可預先封口, 呢點稍為不足.



 


其餘兩樣密封包裝則很妥當. 柔膚霜用罌型設計, 帶點高貴, 還有一條封條在側.



 


Future Defense 系列主打有效增強肌膚彈性, 改善暗啞, 減淡幼紋,


正是許多女士們渴求的. 先試用上潔面泡沫, 白色cream狀中帶有橙色微粒.



 


起初擔心是磨砂粒子, 日日用會冇咁好, 點知原來溝水後揉起來,


粒子已經溶了, 不錯~


塗上面後打圈, 已經好快起到很多幼滑泡沫,


質感跟同是shiseido出品的Perfect Whip cleansing foam (又是很多sisters大推的) 類似,


感覺很温和滋潤, 洗完面後, 尤其在這幾天較涼, 都沒有任何繃緊情況,


臉蛋看上去有一點光澤和滑溜呢~




 



之後用上柔膚水, 雖然是水狀, 但質地帶一點點杰身, 所以我會用手輕輕拍上臉,


棄用棉花, 不然會被棉花吸收了很浪費. 柔膚水很快被面部肌膚所吸收,


接著搽上乳液, 這隻乳液較浠, 但不失保濕滋潤效果, 也沒有笠笠的感覺,


我幾喜歡這支乳液, 因我最怕用完乳液後成塊面黏笠笠的.



 


柔膚霜是最後的步驟用的, 目的是能夠為肌膚進一步提升水份,


就連眼部都可塗上一點點, 讓之後的眼霜更易被吸收, 改善和預防乾紋出現.


但個人覺得柔膚霜質地相對地杰身, 所以都有點黏, 不過只需要塗少許的份量,


已經足夠, 黏的感覺還可以接受的.



經過一星期的試用, 感覺良好, 面部肌膚保持平衡狀態, 沒有敏感和長出粒粒,


產品均有少許淡淡清香. 以這個大眾化價錢有這樣的效果, 己經很不俗和化算呢~


至於是否真的可以延緩老化, 要看長遠使用之效果和要有良好的生活習慣和作息時間的配合吧! 


 


 


大家有興趣可買來試試, 一齊為保持青春年輕的肌膚努力吧~


 


特別鳴謝朋友替我去BL office 拎這套試用產品, 感激萬分~


2010年1月25日 星期一

情迷Cher

<<Sweet>> 2 月號 附送品, 上官網見到已經雙眼發光,


今次個size仲好大個添~非常之正~黑色底色都好靚, 環保袋黎講好襟污糟.



 


帶左佢番屋企喇! 不過其實佢冇任何拉鍊, 當手袋出街用就會比較危機啲,


提防小手!!



 


估唔到呢個pass case (card holder) 唔係布質而係類似皮的膠質地, 又幾好喎~


心心顏色既配搭仲靚過個袋添~



 


己經擁有第二set Cher的袋呢~會繼續增加中嗎 ? (笑!)


 


温馨提示: 呢啲日本雜誌價錢度度都唔同, 有平有貴,


可以差好遠, 大家小心格價為上啊~


 


2010年1月21日 星期四

很可惜! PINKY停刊了!


 

由上年開始鐘意睇呢本PINKY雜誌, 啲衫襯得好靚, 好啱自己style.

同埋pinky既models都好靚, 有幾個仲當紅緊添~又拍戲又出書和寫真集.

但pinky向來價錢唔平, 我多數上網睇, 但今次發覺呢期幾多野睇,

又講化妝又講髮型, 所以走去買左一本.

初初見到封面啲字都覺得奇怪, "the final"同"最後?"

明明啱啱先5周年咋喎......

 

尋晚揭到最後, 見到pinky編輯長向讀者宣佈呢次係最後一期,

PINKY將會停刊了!

吓?點解會咁架? 明明咁好睇既雜誌, 喺日本應該幾受歡迎架喎,

到底咩原因要停刊呢?!

好可惜啊~

幸運地我買左呢本, 我唔會掉左佢, 將會成為珍藏呢~

 

以上圖片來自PINKY官網:


2010年1月17日 星期日

忽然豪氣的一餐

近來冇咩特別題材, 就寫吓食事啦~

其實今次介紹呢間已經係較早前食架喇, 依家先得閒寫番.

就係喺網上無意之中search到, 食評唔差,

一間位於尖沙咀亞士厘道的日本料理店-八王子.



店子格局幾特別, 好有日本壞舊feel. 貼上的是經典劇集poster 嗎?





時間關係, 唔咪好記得呢款係咩壽司, 應該係吞拿魚蓉啩 :p

味道一般.





我好鐘意食既麻醬蕃茄, 好多地方都有呢道小食, 試吓呢間先.

個麻醬汁都跟之前吃過既店舖差唔多, 不過依然覺得蕃茄切片先會最

索得到多啲汁. 意外地, 墊底的白蘿蔔絲連埋啲麻醬汁一齊食, 好好味~





很豪地點了一板新鮮海膽, oiishi~~ 食到 "lam lam" 脷~ 還伴有紫菜一同進食.





串燒, 有豬同埋好似有牛舌, 味道都不錯.





雞翼, 幾香.





煎漢堡, 幾juicy.





唔記得左呢個叫咩名堂, 好似係唔知咩魚既春, 唔腥, 食落去感覺都幾得意.



是晚點左以上幾樣野, 食得唔多飽, 但已經盛為500大元,

之後即去hagandazz 買雪糕吔添~

不過總括呢間水準都唔差既, 一試無妨.

2010年1月6日 星期三

2010年蚊の服妝間第一擊

2010年1月2日的裝束,


穿了紫色新衫和新波鞋迎接新年,


好少買淨色而簡單的衫, 但係呢件紫色衫並唔咪簡單架.


睇埋下面嗰幅相先~



這件是日牌JEANASIS, 近來新寵既牌子, 呢件係第二件我買左


JEANASIS既衫, 第一件係俾個心心銀色牌仔吸引, 嗰件個牌仔喺頸後.


今次個牌係鎖仔形, 喺衫既側下方. 見唔見件衫有一條條銀色線呢?


成件衫望上去變左閃令令咁架~ 所以我覺得呢件衫一啲都唔簡單呢~



至於波鞋係ADIDAS特別版, 屬短BOOT款,


個人覺得襯短裙好睇過牛仔褲.


格仔LEGGING購自UNIQLO, 格仔既野, 襯番淨色既野實冇衰.


而件雙面毛毛背心我好鐘意架, 其中一面係全毛來的,


夠晒暖! (bought from ao2 - SEXYBULL)


很喜歡呢日既裝束~


 


2010年1月5日 星期二

09年回顧-除夕夜

每年最開心都係年尾呢啲日子, 好有節日氣氛, 平安夜同除夕仲有得放早.

除夕當天又去了行街, 肚餓醫吓肚先, CITYSUPER的廣島燒麵和章魚丸,

令我回想起大阪的燒餅~ 呢個都唔錯~





晚上又發現有免費COKE ZERO派, 個罐係特別版黎架喎,

01.01.2010~~





除夕食乜好? 經過呢間幾吸引, 結果就入左去喇~

之咪係太平館餐廳.



鮮果咯嗲.



 海皇湯, 好味好大碗~



出名的瑞士雞翼, 正~



我唔食得辣, 揀左都係瑞士汁海螺片牛肉炒河.



焗芝士帶子石斑飯, 已經好飽...



甜品, 依然係平平無奇的西餅.



食完都差唔多接近倒數時間, 行到TIMES SQUARE附近, 都已經封晒路,

唯有迫係人堆之中等夠鐘, 搭正12點, 一輪歡呼聲, 有人更將COKE ZERO

派的氫氣球放上天. 望到遠處的少少煙花, 放完後各人都散水喇~

2009, BYE BYE~

2010年1月4日 星期一

09年回顧-平安夜

相片到手喇,依家先寫番之前的X’MAS係點樣渡過~

一如以往,我倆會慶祝平安夜,去食聖誕大餐。

呢日提早收工,去CWB行街。

見到有某牌子新手機擺攤位玩遊戲,過左關就可以扭蛋一次,

我倆成功過關,啲禮物又幾精美喎~

PS(玩緊既我好緊張,面紅耳赤中 :P)






之後又周圍影下相,世貿中心外的聖誕樹~






自拍一張~






開餐喇,今次佢揀左尖沙咀既MUNCH。

龍蝦湯,好濃好CREAMY~






鵝肝,好特別,配以水果,有不同味道,酸酸甜甜。






他的牛和黑松露薯蓉~






我的魚。食到依度已經開始飽飽地。。。






甜品,有雪芭,栗子慕思等。。。最終大家都KO唔晒。






食飽就去海旁影吓燈飾,跟大家倒數一下就回家呢~






今年的大禮,就係呢份喇,恨左好耐既繪圖板,開心~






仲有靚靚聖誕咭,鬆弛熊電話繩同冇入鏡的朱古力一盒~豐收^__^




2010年1月1日 星期五

Happy New Year 2010~

大家好呀~~ 新年快樂!!

喺度為到此一遊既你送上一幅小妹的作品, 見笑了~








呢幅係用今年收到既聖誕禮物-數位繪圖板所畫架~

自細鐘意繪畫, 曾經夢想係當個漫畫家~

自從放下晝包後, 已絕少去執起畫筆.

近期發現繪圖板的玩意, 對畫畫的熱誠又燃點起來~

技巧仲係好稚嫩的階段, 還需要時間去揣摩,

我會努力的~



新一年, 希望有更多的時間做自己喜歡做的事,

每一天都活得開心~