之前成日睇啲beauty bloggers既blogs, 好多關於免費試用產品既文章,
有啲好奇點解咁好有呢啲活動同點先可以參加。
依家終於知道原來其中一途徑係經過beauty 網站既~
今次好幸運, 第一次中左試用, 第一次寫試用文,
學吓大家既口吻先, 首先多謝BL同ZA俾我是次試用既機會。
是次ZA送出全新系列 Future Defense時光活顏潔面柔膚套裝.
“延緩初期老化, 凝住青春肌齡”, 見到呢句已經深深被吸引啦~
一套4件產品, 左起為細支裝乳液和柔膚水, 中間大支的為潔面泡沫,
右邊一盒為柔膚霜. 先說包裝, 兩支細支裝打開蓋便可直接將乳液和柔膚水倒出,
沒有任可預先封口, 呢點稍為不足.
其餘兩樣密封包裝則很妥當. 柔膚霜用罌型設計, 帶點高貴, 還有一條封條在側.
Future Defense 系列主打有效增強肌膚彈性, 改善暗啞, 減淡幼紋,
正是許多女士們渴求的. 先試用上潔面泡沫, 白色cream狀中帶有橙色微粒.
起初擔心是磨砂粒子, 日日用會冇咁好, 點知原來溝水後揉起來,
粒子已經溶了, 不錯~
塗上面後打圈, 已經好快起到很多幼滑泡沫,
質感跟同是shiseido出品的Perfect Whip cleansing foam (又是很多sisters大推的) 類似,
感覺很温和滋潤, 洗完面後, 尤其在這幾天較涼, 都沒有任何繃緊情況,
臉蛋看上去有一點光澤和滑溜呢~
之後用上柔膚水, 雖然是水狀, 但質地帶一點點杰身, 所以我會用手輕輕拍上臉,
棄用棉花, 不然會被棉花吸收了很浪費. 柔膚水很快被面部肌膚所吸收,
接著搽上乳液, 這隻乳液較浠, 但不失保濕滋潤效果, 也沒有笠笠的感覺,
我幾喜歡這支乳液, 因我最怕用完乳液後成塊面黏笠笠的.
柔膚霜是最後的步驟用的, 目的是能夠為肌膚進一步提升水份,
就連眼部都可塗上一點點, 讓之後的眼霜更易被吸收, 改善和預防乾紋出現.
但個人覺得柔膚霜質地相對地杰身, 所以都有點黏, 不過只需要塗少許的份量,
已經足夠, 黏的感覺還可以接受的.
經過一星期的試用, 感覺良好, 面部肌膚保持平衡狀態, 沒有敏感和長出粒粒,
而產品均有少許淡淡清香. 以這個大眾化價錢有這樣的效果, 己經很不俗和化算呢~
至於是否真的可以延緩老化, 要看長遠使用之效果和要有良好的生活習慣和作息時間的配合吧!
大家有興趣可買來試試, 一齊為保持青春年輕的肌膚努力吧~
特別鳴謝朋友替我去BL office 拎這套試用產品, 感激萬分~
沒有留言:
張貼留言