09年回顧-平安夜

相片到手喇，依家先寫番之前的Ｘ’ＭＡＳ係點樣渡過～

一如以往，我倆會慶祝平安夜，去食聖誕大餐。

呢日提早收工，去ＣＷＢ行街。

見到有某牌子新手機擺攤位玩遊戲，過左關就可以扭蛋一次，

我倆成功過關，啲禮物又幾精美喎～

ＰＳ（玩緊既我好緊張，面紅耳赤中　：Ｐ）

之後又周圍影下相，世貿中心外的聖誕樹～

自拍一張～

開餐喇，今次佢揀左尖沙咀既ＭＵＮＣＨ。

龍蝦湯，好濃好ＣＲＥＡＭＹ～

鵝肝，好特別，配以水果，有不同味道，酸酸甜甜。

他的牛和黑松露薯蓉～

我的魚。食到依度已經開始飽飽地。。。

甜品，有雪芭，栗子慕思等。。。最終大家都ＫＯ唔晒。

食飽就去海旁影吓燈飾，跟大家倒數一下就回家呢～

今年的大禮，就係呢份喇，恨左好耐既繪圖板，開心～

仲有靚靚聖誕咭，鬆弛熊電話繩同冇入鏡的朱古力一盒～豐收^__^