2010年3月20日 星期六

他的生日 2010-Part 2

近來又忙了, 呢個part 2久久未出, 就黎都到自己生日了,

快快寫埋呢篇先~

話說他的生日那天, 去完大棠餵完蚊之後, 就搭車入老遠的愉景灣喇~

今次我揀呢度既其中原因, 係因為去嗰間餐廳係睇到廸廸尼煙花既~

搭正七點半, 放喇放喇!! 相機相機~~( 當時嚷著說 XD)

可惜只影成咁樣=.="





睇完煙花, 開餐喇, 飲品, 我的orange squash和他的laychee smoothie





煙三文魚沙律, 他不太喜歡, 但我覺得ok喎~





唔記得左咩angel hair, 好味呀~好creamy!





mini babe rib, 招牌菜之一, 他都讚好味呢^^





驚喜又黎喇, 訂位時落定order的, chocolate pudding, 又係水準之作, 軟心朱古力

流出來, 好香濃的蛋糕, 正!





呢間就係位於愉景灣的Zaks 喇! 價錢不算貴, 但食物質素真的不錯啊~

吃滿400蚊還送船飛兩張添! 坐outdoor座位先睇到煙花和比較有情調呢~

2010年3月6日 星期六

他的生日2010-Part 1

尋日係他的牛一, 天公造美, 長期陰天後, 尋日終於放晴了.


年年都要諗吓去邊, 要有surprise, 真係唔容易架.


今年諗到去呢度, 大家都未去過既地方.


原來位置好隔涉吓, 我地喺元朗搭的士入去. 門口整得幾靚喎~



 


入場係免費既, 要玩某些活動先要俾錢.


入去行吓先, 因閒日關係, 唔咪好多人, 地方好優靜, 好舒服, 有啲遠離繁囂既感覺.


一入去就見到個魚池, 有好多錦鯉喺水底游, 可供人餵飼魚糧.



池邊種有些少荷花.



 


繼續向園裏遊覽, 就見到有牛牛出現喇, 好少咁近距離見到牛, 幾興奮有趣的.


呢隻牛喺度拉緊車呀, 載人去遊覽, 好搞笑~ 但又好似好辛苦咁喎@@



 


辛苦過後, 有得開餐啦~ 佢地應該係輪住黎拉車既.


ps. 牛牛其實好臭架 :x



 


山莊內種有唔同植物生果, 不過呢個時候唔咪當造呢, 得大樹菠蘿有得睇吓咋.



 


仲有遊玩設施, 企上去呢個嘢原來都唔容易架. 有人仲唔識上添, 哈哈哈~~



 


估唔到仲有馬騎, 呢個就要比錢喇, 我地驚危險冇玩喇, 遠觀一下啦~



 


到戲玉喇, 就係摘士多啤梨喇~ 呢度有好多塊有機士多啤梨田呀, 冇人同我地爭,


我地每人70蚊, 喺入面任摘任食, 但唔帶得走. 帶走要斷磅計.



 


睇吓~翠綠的葉子底下有鮮紅的士多啤梨呀~



 


開始努力地摘呀摘~ (其實係用較剪剪架)



 


好快一人摘到一藍喇, 幾多~ 好鐘意呢張相, 我影架嘛 :p



 


又大粒又新鮮,味道都ok架~



 


我地摘左兩轉, 一路坐低係咁食, 飽晒~


豐收!



親親大自然, 摘士多啤梨幾好玩吖, 不過就多啲蚊蟲囉.


温馨提示: 千祈一定要噴定蚊怕水去摘, 我地唔記得帶去噴, 結果係咁比蚊滋咬,


我都拿拿聲著番件長袖衫, 佢就慘喇,


第二日兩隻雪白既手滿晒紅色一點點既蚊難呀 >.<


 


part 2 係dinner @ 愉景灣.


待續......