意外驚喜的配搭

昨晚臨瞓前懶得熨衫，就諗住搵啲唔駛熨既衫著。

點知得番一件衫係唔＂巢＂既，平時著呢件雪紡衫我會襯褲或一條裙，

但又係要熨，便試吓襯條雪紡裙加ｌｅｇｇｉｎｇ。

今朝一試，又好似幾襯喎，家姐都話ｏｋ，

仲話我已經可以成功ｍｉｘ　＆　ｍａｔｃｈ添呢～

 

件衫我好鐘意架，係前年喺原宿ｌａｆｏｒｅｓｔ的Ｃａｎｔｗｏ買，

印象中好似要港幣４００幾蚊。黑色那些是蘋果圖案。

至於條裙係喺涉谷買的，不得不說日本衫質料真係好好，

雪紡衫或裙我都喺香港買過幾件，但件件都著一兩次某啲位就已經爛左。

今次真係無意中有驚喜，這天的心情都靚起上黎，哈哈～

還有雪紡衫又薄又輕身，炎夏穿著好舒適的。

 

整日都想快啲番黎寫ｂｌｏｇ，發覺自己越來越對衣著配襯有興趣，

可以說我不喜歡穿得過於平凡，好像晚上去上課時，

望見整班同學，十個有八個都著得黑黑沉沉，

或者有啲係礙於工作上要求吧，但平時出街，都可以稍為為自己加點色彩，

衣著都可以影響給人的印象吧，雖則有時未必太過在意別人怎看自己，

但至少也可以從衣著給自己加點自信心吧～

好像說得太多了，不過我還喜歡繼續在此分享我的衣櫥。

謝謝收看～

 

 

Lovely Bear

早前行朗豪坊高層的舖頭, 發覺有間店舖名LOVELY LACE,

一進去就被可愛的熊仔和LACE 花花飾物吸引住, 呢啲又係我杯茶黎架~

睇左好耐先捨得走, 冇買到野. 等左一排都冇人俾驚喜我...

先兩日, 再到呢間舖, 一見到呢隻著左裙仔既BEAR BEAR就嚷著話好得意喇~

仲話好鐘意啊! 這次佢叫我揀一隻囉, YEAH~~

挑選左好耐, 裙仔有幾隻色架, 都係覺得紫色最靚~ 隻隻都有啲唔同樣咁,

眼仔都幾乎睇唔到, 呢隻算最公正架喇~

 

學人玩自拍, 呢張影到我平時收埋左既內雙眼皮好明顯喎, 哈哈~

店員仲幫我隻熊仔加左香味添~  好香~

 kawaii ~

 

 

簡易沙律

今年既颱風都係鐘意夜晚先黎架喇, 早左少少放工, 都係同平時差唔多番到屋企咋, 嘥氣!

第一次開蚊の料理呢個分類發文, 其實我都對煮野食有啲興趣架, 曾經買過好多本味道黎睇架~ 不過隨住越來越忙既關係, 都係久唔久先整一次, 都係甜品居多. 煮煎炸野就最驚彈油, 實"ＷＥ"嘩鬼叫架我! 曾經俾油彈傷手, 依家都仲有陰影添...

不過我諗他日嫁左人, 我會好俾心機去整唔同既料理出黎架~

最近愛上吃日式沙律, 拌上酸酸甜甜的沙律汁, 好清新. 尋日就整左一個超簡單的沙律.

在日式超市買來一支和風芝麻沙律汁，叫媽媽在連鎖超市買了包裝沙律菜，

車厘茄，富士蘋果，本來仲有牛油果架，但生得滯未食得住。

所以少少地既材料試吓先，最後倒些沙律汁上面即成！

家人都說不錯幾好味，下次可以加啲蟹籽，青瓜絲，蟹柳和牛油果，

應該會更日式更好味的～

與媽咪澳門遊

見近排得閒啲，就同媽咪星期日去澳門玩吓，住番晚，今次係第一次住英皇娛樂酒店，都幾靚同新淨。

到達後，去食黃枝記撈麵醫吓肚先，跟住帶媽咪去食吓翅，之前見到好多人黎呢條街，俾我搵到喇。。。

唯獨是呢間係最多人，排晒長龍，間舖豆膶咁細，有啲ＵＰ　ＤＵＭＰ。

睇下餐牌食乜先。。。熱辣辣，排左幾個字，終於有位。

媽咪叫左個豬腳薑，但佢話麻麻地。

叫左個海參花膠煲仔翅，聽落好似好正，上枱時仲滾晒，但食落真係好一

般咋喎，駛唔駛咁多人排呀？！服務又唔多掂，有個男人勁串咀。

 

跟住周圍逛，再去賭場玩吓，我只係鐘意玩電子賭桌，最多敢放１００

幾十蚊落去玩吓架咋。。。

夜晚ＢＯＯＫ左新葡京自助山ＢＵＦＦＥＴ，加晒價，變左＄２３８位再加一。

魚生刺身，新鮮～

好正既大蟹腳，啖啖肉，帶子，蝦（冇味）。。。

天婦羅蝦，炸蠔，沙律。。。好可惜今次冇生蠔，明明有個同學去食嗰

次有勁大隻生蠔食架嘛！

甜品有好多款呀，試唔晒咁多，有ＴＩＲＡＭＩＳＵ，綠茶芒果蛋糕等。

仲有木糠布甸，仲有開心果雪糕，但最後太飽食唔晒。

翌日，去左氹仔，行下威尼斯人，買埋手信，跟住走人ｌｕ～

人大了，開始覺得要抽多點時間陪父母。見到媽咪都幾開心，我都好開心

我的第二個Crystal Ball狗仔袋

Kawaii既嘢係我喜愛行列之一, 自己都唔知幾時同點樣迷上Crystal Ball呢個品牌, 一隻招牌狗仔頭, 令我一見鐘情了! Crystal Ball係GARCIA STYLE其中一條line來的, 以往在日本才有店舖出售袋和衣物, 現在係香港跟台灣也有分店呢~唔駛吓吓等去日本先買到.

 

最近俾我八到CRYSTAL BALL出PREMIUM BOOK VOL.4, 附送狗仔袋一個,有三款供選擇, 我目標當然係迷人的粉紅色啦, hehe~~

就係呢本喇, 原價2415 yen, 居然賣HK$328, 差唔多貴一倍, 但冇計, 鐘意起上黎, 幾貴都肯俾架喇 (笑!)

 

登登登櫈~~就係呢個袋仔喇, 成個嘜頭喺度喎, 正呀!!不過始終唔咪店舖貨式, 質素真係差好遠, 一打開有陣膠味, 質地單薄左啲...

 

比較一下佢個SIZE, 同我在日本買的中SIZE袋既分別. 嗱!! 認住喇, 街邊依家通街都係抄呢個款既袋, 但我呢過賣成萬幾二萬YEN架~最緊要認住狗仔金牌嘜頭,先係正貨,哈哈!!

 

翻閱本書途中, 望左幾眼呢個女MODEL乜咁熟口熟面, 個樣咁似阿o靚模始祖既?

 

原來真係佢, Angelababy, 犀利喎, 真係過左去日本發展, 唔講真係以為係日本妹既呢~

唔錯吖~

買到心頭好, 心情自然好~

真係想快啲喺crystal ball分店買多個大一啲既袋呢...

鼎泰豐

昨晚去食上海菜, 終於一嘗香港分店既鼎泰豐, 時間尚早, 大把位唔駛等.

我地又點番喺台灣食過既野, 公仔必點的酸辣湯, 我試左啲, 幾好飲, 辣的程度

尚可接受. 還有蒜茸油蜜菜. 好甜,炒得好好味~

鮮蝦雲吞湯麵, 得好少蝦咋喎...好似台灣好食啲...湯底就好清~

必點的小籠包, 都OK吖,跟台灣差不多~皮簿肉夠腍.

見到呢間都有八寶飯, 即點, 係甜品黎架~

裏面有豆沙涵, 熱辣辣, 好好味~

之後我話驚是晚會好快肚餓, 公仔又癮起要ENCORE食佢既飛佛, 今次要

兩隻JUMBO, 仲大過上次, 我地見到即刻嘩嘩聲~~ 另外貪得意試兩隻IRISH,

有隻開左發覺細得滯, 送埋俾我地食, 再開番隻, TOTAL有五隻食喇, 嘻嘻~~

睇下我個為食樣, 開餐喇!!