不是在淘寶掏到的寶

網上買衫已經好似成為一種潮流好耐, 但我一直冇呢個興趣, 一來懶得學點買,

二來始終驚有風險, 仲要買到番黎貨不對辦. 見到近來的淘寶熱,

都冇乜衝動自己都掏埋一份.

直至最近看到網友介紹了一間日本online shop, 真係一見鐘情,

所賣的服裝簡直就係我杯茶呀~~

我第一件從這裡掏到的就係呢件3 ways著法既裙喇! 那個蝴蝶可以拆得的.

 

我買左既係紫色, 質料很好, 沒有任何甩線或瑕疵. ( 執圖執得太樣衰了!!)

仲未試過著出街, 到時再影過著上身的效果吧~

可拆下的蝴蝶, 其實係靠扣針扣住的. 左邊有些少摺痕而已.

 

到第二輪喇, 今次係一個福袋, 2980yen (未加運費) 可揀指定貨品中的兩件items,

我先揀了這件外套, 最鐘意粉紅色, 可惜已經sold out, 所以買左灰色, 單是這件外套

原價已經係2980yen一件了. 所以即係話其實福袋的另一件的item是免費的呢!!

or換個說法這件是半價了.

 

著上身好滿意呀~~好靚好鐘意呢!! 見到衣袖位是可以扣成中袖的嗎?!

另外還付了一條布腰帶的, 可以束腰縛蝴蝶結. (可見上圖黑色那件的著法)

 

第二件item就揀左呢件衫, 又是紫色, 呢件原價好似係1980yen, 但依家可以係free的了.

 

呢件的特別位係著上身後, 背後有個蝴蝶呢~應該會幾靚的,

不過我長頭髮都可能會遮晒. :p

 

三件衫質料都好好, 著上身好舒服, 完全沒有貨不對辦,

仲有好多件我都睇中, 開始迷上呢間shop了,

雖然價錢冇淘寶的便宜,  但崇日的我始終鐘意日本嘢多啲呢(雖然好多都係中國製)

真係多謝kotomo的介紹和幫忙呢~~ ^^