今年繼去完台北之後，好開心之後忽然又去咗轉韓國呀！
而因為已去咗幾次首爾，今次就試試去新地方。
冇錯~ 就係韓國第二大城市釜山喇！
起初以為釜山比首爾冇咁多地方玩，
點知最後去咗5日5夜都覺得唔夠時間，
仲想stay多一兩日添呀！
:D
去完呢次旅行，更加令我哋深深愛上韓國，
已成為我哋「鄉下」喇，哈哈！
好啦… 先快快來第一篇釜山遊記吧！
呢篇應該啱哂KAKAO FRIENDS粉絲睇~
釜山有樓高四層的Kakao Friends旗艦店，
而頂層就係韓國首間Apeach Café，
身為粉紅控梗係要嚟呃吓like啦！！ XD
上到去竟然唔咪好多人，可以周圍影吓相先。
四周都係夢幻既粉紅色~~♥
呢隻粉紅色桃桃個樣真係幾搞鬼吖，我都有少少鐘意咗佢添 (~.~)
嘢食全部都有可愛既人物造型架！
款款都咁得意，揀邊樣好呢？！
點解連等攞食物部嘢都咁可愛架 ？！(✪ω✪)
有啲枱上面都擺有呢隻apeach公仔~
我哋唔咪好肚餓…一人叫咗一杯嘢飲，
兩個cupcakes同兩粒macaroons，
相機食先！ヽ(●´∀`●)ﾉ
同咁可愛既公仔同食物影相連我都顯得少女咗，嘩哈哈！！(摶打呀⁽⁽٩(๑˃̶͈̀
ᗨ
˂̶͈́)۶⁾⁾)
啲食物唔咪得個樣既，味道都唔差架~
食完嘢就落去Kakao Friends旗艦店逐層行喇~
老公超鐘意Ryan， 呢個「景點」5日內我哋足足嚟咗4次,
佢不停買買買，想搬哂成間舖返香港咁滯！！ XDXD
Ryan又真係好cute好得人鐘意既，
而我就比較鐘意戴咗蝴蝶結既Ryan多啲喇~(^.^)
有唔同系列既新嘢，Flying Ryan同Gentleman Ryan都好得意喎！
因為嚟咗幾次，就發現呢度啲貨品去得好快，新品又上得好快！
所以忠粉真係不妨要嚟多幾次，哈哈~
第一晚行到人地閂門我哋都仲比緊錢，
最後捧咗以下一大堆戰利品返香港，有點瘋狂吧？！
係老公呢趟旅程最豐富既收穫，只係其中有幾樣係我既~
有apeach帽啦、假甲啦、Kakao Friends x UT 啦、行李牌等等…
而有啲文具係最尾一日喺精品店BUTTER買架！
仲有大合照影漏咗既心心碟，好靚既呢~
希望大家喜歡呢篇分享啦~
釜山遊記陸續會寫，但要啲時間整理相片呢！
旅程間我都有分享相片和短片到facebook和Instagram架，
有興趣可follow我兼睇睇支持一下我吧！
Busan Kakao Friends
Flagship Store
地址: 釜山中區光復路62 (光復洞2街)
부산 중구 광복로 62 (광복동2가)
營業時間: 10:30 - 22:00
另釜山樂天百貨也有一間較細的Kakao Friends Store的，我哋都有去埋呀~
地址: 釜山釜山鎮區伽倻大路772(釜田洞)樂天百貨公司釜山總店7樓
부산 부산진구 가야대로 772 (부전동) 롯데백화점 부산본점 7층
營業時間: 10:30 - 20:00
✿小蚊子韓國遊記重温✿
♥Follow me♥
♥Contact me♥
bbmosquito@gmail.com
♥My Blogs♥
沒有留言:
張貼留言