上回提到我有幸到miruku學嘢, 初嘗印甲滋味, 今次就黎真真正正自己在家D.I.Y喇~
製成品就係上圖喇, 看文章標題, 大家明唔明由來呢?! 野性與可愛, 就係豹紋與蝴蝶結
;
黑白配, 則係黑白豹紋的間距, 同埋白豹紋配黑蝴蝶結
, 黑豹紋配白蝴蝶結
喇~(好混亂的解釋
)
唔知大家記唔記得上次去印甲係想印呢款既呢, 上次最後冇印到, 今次就自己動手印喇!
不過係改良版~
步驟一: 先搽 Missha 底油.
步驟二: 搽Love clover 甲油筆的閃淺粉紅色.
步驟三: 開始印喇, 用konad白色油印上甲板上的豹紋圖案.
步驟三: 冇錯, 都係步驟三呀, 只係將白色印油換做黑色印油印上豹紋.
步驟四: 用桃紅色油上指甲邊, 咁樣稱做法式甲嗎?! (今天新聞報導SKIN FOOD甲油含致癌物啊, 唔敢再用呢...)
步驟四: 黑色豹紋一樣油上桃紅色邊.
步驟五: 蝴蝶結圖案我沒有用印板的, 一來SIZE可能太大, 二來用印的可能不夠突出, 所以我想到用指甲貼呢~~
每隻都貼上貼紙, 可愛度係咪即時提升呢??!!
除左蝴蝶結, 貼上較細的心心圖案於尾指也可啊~~
大功告成!!!!!!
呢隻係左手~~
呢隻係右手, 看得出跟左手有什麼分別嗎? 就係指甲貼圖案有啲唔同, 黑白豹紋次序都調轉左架 !
呢次用上差不多三個鐘先完成呢!!!(汗!!)
但我自己很喜歡今次的作品啊~ 下次整咩款好呢~
煎炸熱氣嘢, 對於我黎講, 最好都係一塊起兩塊止, 皆因我食親熱氣嘢, 就好易會喉嚨痛, 但有時又真係好難忍口, 薯片呢啲咁惹味既零食, 係一食就停唔到手架嘛! 但有樣極度頂級熱氣既嘢, 我咁多年以來食過既次數, 誇張啲講真係五隻手指都數得哂, 冇錯!!佢就係今次要介紹既主角---吉列!!!
尋晚喺旺角朗豪坊, 唔知食乜好之下, 我竟然提出去樓上嗰間近又吉列黑豚專賣店度食, 他第一時間話好好好!! 佢鐘意食呢啲煎炸嘢架喇~但估唔到我會提議啫! 去到原來9點半開始有discount, 食物8折, 飲品半價, 咁一於就呢間啦~ 坐落就見到以上呢碗芝麻, 他說要用條木棍中爛啲芝麻架喎!
我中到手到攰埋, 啲芝麻仲係一粒粒, 結果呢啲苦差都係留番比佢做啦, kaka~~ XDXD磨完就係咁樣喇~有啲似飲雪香嗰啲麥片.
磨完啲芝麻仲乜呢?! 側邊有三罌醬汁, 俾你落落啲芝麻度一陣伴吉列食架~左為燒汁, 中為青瓜汁, 右為蒜茸汁.
此為燒汁, 個"殼"仔又幾得意喎~~ :p
memu選擇都幾多架, 其實唔止吉列黑豚架, 仲有吉列蝦, 吉列蠔, 吉列菜卷等等~不妨睇吓近又人氣榜推介你食乜啦!! 我揀左第三位嗰個 ^^ 心態係因為佢望落多汁啲, 食落都冇咁熱氣 (自欺欺人 :p:p)
呢個就係佢既吉列黑豚大蝦定食喇, WOW~~定食仲有麵豉湯,前菜豆腐一粒同白飯一碗. 見唔見到碟上堆椰菜絲?! 食完佢會唔駛錢添加比你食架, 估唔到又幾好味喎, 撈嗰啲汁料食, 好醒胃~仲有白飯都有得添架, 唔錯唔錯!!
登登登櫈!!!!我既吉列香蔥黑豚定食呀!! 我見到碟嘢, 雙眼好似發光咁!!
呢啲就係十年都冇品嚐過既食物嗰種感覺喇, 好似識飛咁, 好興奮~~(但係比人話我大鄉里
)
冒著喉嚨痛的危險咬落佢......唔~~~非常之香脆美味, 薄薄的吉列包著鬆軟的豚肉, 讚讚讚!!!連平時唔多食蔥既我, 覺得伴埋啲蔥食係非常之絕配啊!!之後試過佢點的蝦同豬, 都一樣咁好味~連椰菜我地都加左兩次, 哈哈 :D
我地仲叫左呢個松葉蟹肉忌廉薯餅, 吹左兩次先黎. 但呢個估唔到有點兒失望, 唔好食.
呢一次破戒, 真係覺得品嚐到美味既食物原來真係人生一大樂事之一, 所謂少吃多滋味吖嘛~~食完之後, 我已經覺得自己個喉嚨好似識噴火咁!! 好彩今日個喉嚨都冇咩事. 下一次再食, 都唔知會係幾時呢~
話說６月到台灣時，在Etude House 買了konad的印甲板和工具, 回來後自己試印, 結果是失敗收場!
後看了網上教學才知是要用konad的印油才行呢.
在forum 見過很多sis都參加過印甲派對, 好好玩似的, 剛巧這次留意到有招募, 所以我也來報名咯~
很好運抽籤被抽中了,可以有份出席, 那晚來了旺角的Miruku.
店舖很光鮮企理, 感覺很舒服, 我是最早到的一個, 見到了Jackie和阿枝, 她們都很好招待我~
很多顏色的印油.
還有eco nail, 聽說對指甲傷害比一般甲油低, 因腐蝕性不高.
坐落後再看日本美甲雜誌, 沒有印甲經驗的我, 有點不知如何揀那款來印好啊~
最後選了以上這款。。。。。。
之後大家都到齊了, 接著大家都努力地印印印, 但我就非常笨拙, 印得很慢!!
阿枝便來幫我呢~謝謝啊!
我原本選了的甲好像有點難度去印得靚, 眼見其他sister都很快手, 我便改印第二個較簡單的花好了~
製成品就是這個~雖然不太特別, 但我覺得都很靚呢~
完成後來個大合照, 其他sisters的也印得很美!!
今次是我第一次參加這種聚會, 感覺蠻新鮮的, ming ming還好好地買西餅上來請我們吃, 又送我們每人一支自家製hand cream, 感謝啊~~
很好的是我終於學曉基本的印甲功了, 還買了幾支印油, 下次可以自己試試原本選了的那個豹紋款呢~
還有啊~我看了NAIL UP的雜誌, 指甲彩繪真的看到我嘆為觀止
, 更引起了我的繪畫癮啊!! 我也想來畫呢!!
