小鹿斑比?!

天氣回暖, 終於唔駛著到成舊粽咁喇

早前買了呢件幾可愛的中袖鹿仔衫, 真係同小鹿斑比差唔多樣

一見便愛上...

臨瞓諗定第二朝大約咁著, 但唔知襯唔襯

著左出黎果然ok喎, 襯了一條黑色透透地既半截紗裙

呢條裙好百搭架, 搭配過好多件衫了

 

怕凍既我點都要著多件外套, 夠sharp了吧?!

其實我對鞋某部份跟呢件外套係差唔多色, match~

小鹿衫另一著法係套件長袖衫喺入面, 一樣好睇架!

初次試畫內眼線和貼假眼睫毛

天生不是大眼睛,  而且眼皮又腫, 平時化妝時只會畫畫上眼線, 搽眼影和睫毛液而已, 但始終都唔覺雙眼變圓大了, 要怎樣才可以運用化妝技巧令雙眼放大呢?

呢次試下畫內眼線和貼假眼睫毛睇吓效果如何吧.

先來素眼一隻, 內雙眼皮, 眼睛都顯得好細.

 

用眼線筆畫了內眼線, 原來俾想像中易, 之前睇人畫好似好得人驚,

原來都唔咪, 好似仲易過上眼線添~

 

之後畫埋上眼線, 填滿睫毛空隙. (開了閃光, 眼紋現晒形 >.<)

 

然後夾眼睫毛。

 

再貼埋假眼睫毛(blogger們稱之為假9 ?!) 其實不算成功, 我冇修剪過長度,

位置好似唔咪貼得好啱, 眼尾又有點怪,

問題１）係貼完先夾本身的眼睫毛定係夾左先貼？

問題２）假眼睫毛係貼在真眼睫毛上嗎?

貼完感覺不太舒服, 眼睛好似有野"un"住. 但大家覺得眼睛有大到嗎??

 

我係用呢隻牌子既假眼睫毛, 標準型號.

第一次試貼, 覺得始終用膠水痴落隻眼度唔咪咁好,

又驚會整到入眼. 真係要好熟手先得.

大家有冇咩秘訣或意見供我參考一下呢? thx~~

下次想試埋畫眼線開眼頭，因為我發覺眼頭位眼皮最腫，

但我又唔想貼雙眼皮膠紙.....

年三十晚的情人節

大年初一, 恭喜發財! 祝大家虎年行大運!

仲有情人節快樂~

睇標題, 係咪以為我寫錯日子呢?

唔咪~只不過係我倆提早一天慶祝情人節而已.

今年又有花收啊, 不過今次係細紮既, 因為諗住行花市唔拎咁多嘢嘛~

他安排了去銅鑼灣的法式牛扒房晚膳, 一人一個SET DINNER.

他的海鮮拼盤, 生蠔都OK既.

my favourite 鵝肝, 不錯啊~

龍蝦湯,  可以再濃一點吧.

我的main dish 香橙煙鴨胸, 呢個麻麻地, 好"UN".

他的牛扒. 我沒有試.

他的甜品, 點解一啖都冇俾我試架??!

我的心太軟和呍呢拿雪糕, 心太軟好正, 朱古力真係會流出來的~

席間送禮物時間, 我整既曲奇, 今次幾成功, 好香脆, 佢都讚好味呀, 開心~

咁啱今年佢都整左曲奇俾我呀, 仲好大堆頭添, 有幾塊仲寫左字同我個名添^^

味道還不錯, 不過梗係唔夠我整既好味啦, KEKE~~

送他的大禮, 他好心急想知係咩黎呢?!

其實還有送他未入鏡的SONY貓公仔一隻, 好可愛架~



今年他再送水晶俾我, 係心心型四葉草呢, 靚靚~

呢個係佢送我既第4件水晶呢, 之前既都係花花和聖誕樹~

再來張花花close up.

之後我們去睇<<蘇乞兒>>, 幾好睇, 但場面幾血腥和殘忍呢, 睇到我地好緊張.

偶像周杰倫的出場好搞笑, 哈哈!

睇完戲諗住行花市, 點知入到去都係頂唔順又落雨, 又擔遮, 又多人,

最後走人, 真掃興!



過幾日要測驗, 新年流流唔想温書呀!

蝙蝠袖

1月某日既衣著, 朝早趕出門關係, pose欠奉.

其實件衫係蝙蝠袖黎既, 不過唔咪好影到個效果添.

呢件衫唔咪咁易襯, 同埋有一個問題係著多件褸會比較麻煩,

因為個袖太大.

襯呢條雪花圖案短褲又幾ok喎, 加埋對紫色絲襪, 係咪好搶眼呢?

但又未至於誇張吧?! 再襯埋條馬車閃閃頸鍊和短boot,

出得門喇~~

下次都係要擺個靚pose先得 ^^

熱辣辣石窩烏冬

周圍搵好野食既人應該聽過或者食過萬豚屋既石窩烏冬既, 早前聽聞旺角

又開左間石窩烏冬的店-火山石.

原本一早想試架喇, 嗰次好似夜晚8點幾左右,去到門口派飛個侍應居然話

冇飛派, 派晒冇位, 但又話要等就企喺度等, 完全唔知佢意思想點!? 走人!

事隔一排, 啖氣落左, 又心郁郁想試, 今次一早7點前去到, 大把位,

烏蠅都冇隻...

呢個係他的唔知咩辣湯大蜆加蠔既烏冬. 啲蜆真係幾大隻喎.

呢個係我既海鮮湯烏冬, 有大蜆, 青口, 帶子, 蝦同蟹柳.

好掛住曾經何時食過萬豚屋既海鮮湯烏冬, 啲湯好濃好似龍蝦湯咁好味~

但之後唔知點解冇左呢隻湯底揀, 失望...

至於呢碗, 係就係有啲似, 但始終爭啲, 冇咁濃郁.  啲海鮮食落仲冇乜味,

大蜆好"un"吓, o趙到頭都痛 :s 烏冬都ok既, 好過嗰間自家烏冬先啦!

食到最尾都仲keep到熱辣辣架~

其他小食就冇試過, 但係烏冬既話都係另一間好食啲, 應該未必再來了.