< 10月3日 中秋夜>
去沙灘賀中秋已經成為我倆的習俗呢, 之前已去過兩年吧~
呢個楊桃燈籠, 上年公仔買架, 好靚~ 可惜上年比較大風, 被火興穿了一個洞,
不過好彩今年還可以繼續玩~到下年都仲得~
先來霸個地盤先啦~ 整個沙灘佈滿點點燭光, 好燦爛~
螢光棒係不可少既玩意, 五顏六色, 為火光作點綴.
公仔又來砌心心, 今次呢個靚喎~ 今年天氣好好, 好清涼, 一啲都唔熱, 又唔
算大風, 蠟燭都冇吹熄.
之後佢又黎砌笑哈哈, 又幾似喎~
螢光球, 最尾帶埋番屋企, 第二,三日都仲光光地架~
今年個月亮一樣都係咁圓, 我地就係咁食住水果, 冰皮月餅同蓮蓉月餅, 賞住月,
渡過左今年既中秋呢~ 今年仲有好多人喺沙灘度放天燈(孔明燈), 人人嘩聲四起,
升到好高好高, 我地就望實佢最後會唔會跌落我地度喇(笑!)
